8/08/2009

pagbalik sa agianan

sa kadugay na
sa mga katuigan
diri sa akong
mga kamot
nakat-unan ko
ang paglitok
sa mga pulong
nga tungod sa
kahapdos ako
na man untang
nahikalimtan,

miduol ako sa
usa ka hugpong
og nagsugod og
litok sa mga pulong
misulay anang
pag-antog sa
akong mga sinsilyo
diha sa bato nga
hantakan,

ikaw nga namati
mikalit og lingi
og sa usa ka senyas
adunay naglingolingo
og busa ako mihunong
og nahilom, og

mibalik ako sa akong
kagahapon kadtong
ako usa lamang ka
bato nga unta daghang
isulti apan wala nay
gahom sa paghisgot.