sa kadugayan iyang naatikan sa wala damha
nga lahi gayod diay siya kanila

ang iyang tinan-awan mas hait pa
sa kutsilyong para hiwa sa hamonada
ang iyang mga kamot dili kaayo abtik
ang iyang mga tiil walay mga kubal
ang iyang liog hiwi

gusto nilang mokuyog kaniya aron siya
ilailahon pag-ayo aron himoon siyang kataw-anan
apan giunhan kini niya

maglakaw siyang mag-inosara
managhoy, paspas
malipayon