sayod na ako niana
walay makaon nga balak
busa ang akong mga balak
wala nako gihimong pan
og bino
mga trapohan lang kini
sa akong mga tiil
mga sagbot lang kining
akong gisilhig
sa matag hapon
mga kogmo lang kini sa
akong ilong
mga muta lang kini sa
akong mga mata
mga dalikdik lang kini
sa akong likod
mga katol lang kini sa
akong palad
mga pangagho lang kini
sa akong kagabhion
mga luwa lang kini nga
akong gituhi
diha sa kilid sa akong
katre og sa bintana
dili ko kini
pakamatyan.
