kumpisal sa usa ka bana nga daghan og nawong

sakto ang pintor
sa pagbati

usahay ang akong
mga mata
ang baba og ang ilong
magkatuagsa

usahay sa akong
pagpamakak kanimo
aron dili ka masakitan
ang akong nawong
nanaghan

usahay gani
wala na ako'y nawong
nga ikaatubang kanimo

apan pasayloa
kay bisan pa nining
kadaghan sa akong mga
ilong og mata og baba
ikaw man lang
gihapon ang
akong gihigugma