samtang gilantaw sa kahinam ang
gidili
samtang nag-unot ang kakulangon
og kawad-on
samtang naghalok ngabil sa ngabil
ang katam-is og
kaaslom
gisulat sa pulong ang iyang buot
ipasabot
giukit ang tipasi og giluwa ang unod
ambot ba, sayod ka baya,
mas lami man jud ang gidili
nagtinilaay ang mga dila sa duha
ka yawa
sa kilid sa bintana
nahulog ang lawas didto sa hagdan
og ang kalag gusto na untang molupad
sa dihang miabot ka og nagpasalig
nga dili kini sahi nga mahitabo
mao kini ang kasagaran ang ilang
gipanghimakak
og busa kita nagsalimuang sa
walay hinungdan
dili na ako mopatoo
og dili na usab ako magpatootoo
