miabot ang iyang bana
nga nagkadugo
nakuyapan sa ilang hagdan
nga wala gani
kapangayo og Ayo
migawas si Titang
wala'y tingog
gidala ang bana sa
sud sa ilang payag
nag-init og tubig
nagkuha og trapo
hinay-hinay niyang
giwagtang ang
mug-ot sa dugo nga
naghisgot og
panimalos
pagkahuman tak-om
ang baba
midulog tupad sa iyang
bana
wala siya masayod kon
unsa ang dangatan
ugma
