ang sabot baya sa panganodog sa adlaw mao nga silang duha
magbuhat lang sa ingon
sumala sa pagduladula sa mga kamot
sa adlaw og gabii
sa ilang unot-unot
mokiat usahay ang panganod sa iyang pagkaasul
og mobalos usab ang mga kuyamoy
sa adlaw sa paghikap sa
mga butang nga humok
og sagrado
pagkahulog sa kataposang bulak didto
sa nataran
milagom ang aping sa panganod
og nakaiyak kini
bisan sa sabot nga duladula
ang pagbiya
sakit lang gayod gihapon
busa niadtong mingitngit na
mikalit og ulan
walay bisan usa ka tawo didto
sa patag ang
nakasabot niini
walay makamaong mohubad
sa dihang nahulog na ang
kataposang bulak
didto sa nataran sa paghandom
ang imong hubad sa imong "the game" tingali ni. both are good.
ReplyDeleteyes thank you candice
ReplyDeletehope you are alright, don't worry kay
everything pushes through
as written
naay english version ani?
ReplyDeletehi lubi,
ReplyDeletenaa oi. naa sa POEM HUNTER