2010/06/27

sa dihang wala pa masunog ang
balay
wala siya kasabot sa kahaw-ang
nga mitugpa sa
sanga sa iyang kasingkasing

kagabii nagdamgo siya og daghan
apan bisan usa
na lang
wala gayod siya'y mahinumduman

pagkabuntag miabot ang balita
sa usa ka dakong sunog
nga mitugaw sa sapa sa kalinaw

giadto niya ang lugar
og didto nakita niya ang daghan kaayo
niyang mga damgo
nga nagtindog nga walay tingog-tingog
sa iyang atubangan

usa niadto mao ang usa ka dako kaayong
uwak
nga mitutok kaniya

Panginhas dire