2010/08/31

kabalo kong molipay
sa akong kaugalingon
sa tunga-tunga sa galawod
kong kamingaw diha
sa ibabaw sa salog nga
gihanigan

aron dunay gamayng kainit
niining kabugnaw
akong ipatong ang akong tiil
sa ibabaw sa pikas
nakong tiil

aron dunay gamay nga kagilok
diha sa kahapdos
akong pasayawon ang akong
mga kuyamoy
sa ibabaw sa bukog sa akong kiting
subay sa
ugat
sa lain nakong tiil nga
hapit na nga mamatay sa
tumang kakapoy

og dinhi sa saktong oras
makita mo ang akong mga balahibo
nga manuybo
kon madungog na ang akong
pagyubit og
i love you.

Panginhas dire