11/15/2010

kining akong gihawiran nga
kahayag alang kanatong tanan
kitang tulo
maghugpong ning lawak
nga gihayagan sa usa ka
kandila
dyotayng kainit lang
sa atong mga kamot og dughan
di na kinahanglan ang
habol aron kita malipay
gani kon akoy inyong pangutan-on
dili na nako
kinahanglan bisan ang gamay nga
kahayag
ning hapit na maupos kong kandila
kay ako natawo
sa kangitngit
nabuhi sa kangitngit
og molungtad sa kangitngit

natugkad ko na gani
kon asa ang mas lami

ah, ang kangitngit
sa kanunay mao gayod ang giya
sa akong
di matugkad nga
kalipay

No comments :

Post a Comment

Lami ba?