2011/05/10

mas nindot ang atong panagsultian
kanang giingon nilag bayloay og pulong
sa walay paggamit nianang
kwarta,

mas ganahan ko kon ang atong hisgotan
mao lamang ang

kabahin sa mga bugnaw nga mga prinsesa
sa hangin nga
nag-igat igat diha sa mga nangalimyong buwak
nga gibirigbirigan usab sa
mga palautog nga buyog

unya na lang nato hisgotan
kon pila ang utang, ang nawa, ang ginansya
og ang inilad.

Panginhas dire