2011/05/16


pagkadaghan gayod
sa mga awit nga gimugna
sa kalibotan

sama sa mga huni
sa kalamgaman

mga pagbanlas-banlas
sa mga balod sa dagat
diha sa kilid
sa mga kabatohan

mga bisibis sa ulan
diha sa mga dahon

ang mga paghulog
sa mga balas
diha gikan sa imong
mga kamot
didto sa ubos
sa imong tiilan

pagkaanindot gayod

og busa misayaw
ang mga buhok
sa huyohoy sa
hangin

og ang imong mga
ngabil
wala kapugong
og busa mitaghoy


pagkaalaot ba gayod
sa mga
wala pa gihapon
makadungog niini

Panginhas dire