Ang dad-on ko kanimo
mao lamang ang pultahan
Nga gi dap-igan
sa naghingapin
nga kahayag
sa alas dyes sa buntag
Ang anaa sa akong palad
mao ang kainit
nga hinulaman ko sa adlaw
Ang dili ko malitok kanimo
dili ang akong tinaguan,
kondi ang akong takuban
Paminawa pag-ayo
og tik-opa ang imong mga mata,
gihatag ko kanimo
ang nag-inusarang
kamatuoran
Kon ugaling gihigugma mo ako
sa hilabihan,
ayaw na og hisgot
og tambu-anan
No comments :
Post a Comment
Lami ba?