6/18/2011

pagkalarag sa paglaom....

sa pagsulod mo sa lawak
unsay imong nakita?

ang imong mga damgo
morag mga lingkoranan nga nangatuali

ang imong mga kagahapon
mga tudlo nga nagtulisok kanimo

ang mga atop sa imong paglaum
gikaon na sa mga bokbok

dili nimo klase ang mohilak
og moampo sa mga laksot og sakit

yano lang ang imong gihimo
og ako miuyon kanimo: gilamba mo ang pultahan

og gisirad-an mo ang tanan
mibalik ka sa imong agi og migawas

sa nataran sa labat
og gisubay mo ang dalan paingon sa kabukiran....

4 comments :

  1. ug mibalak na usab kabuntagon

    ReplyDelete
  2. Nindot bitaw ni no? Haom pagkahulagway sa lalom nga pagbati, klaro pa gyod, milanog sa galamhan.

    ReplyDelete
  3. Nindot pod ang iyang ulohan

    ReplyDelete

Lami ba?