ikasuko mo ba
ang akong pagpahibalo kanimo
nga didto sa dagat
sa Katsubong
wala ako'y laing gihimo
kondili mao lamang
ang pagpanday
og usa ka balak
samtang ang babayeng
naghubo na sa iyang sapot
og nanghumot
ug chanel 5
napuno sa kalagot
nga naghay-ad sa iyang
duha ka puti na paa
ibabaw sa ugnan
nga doldol
nagpanakla ka sa dihang
giingna ko ikaw
nga walay nahitabo kanamo
tungod kay ang balak
nga akong gipanday
sig mang kapusgay
miingon ka
kon ikaw pa unta ako
wala untay
maglagot
ug ako kang gitubag
kon ikaw pa unta ako
unsa na kaha ang
balak?
Unsa na lang kahay dangatan sa balak kon dili mobarog ug mopatigbabaw ang magbabalak taliwala sa tanang tintasyon aron pagtagbaw sa iyang nangalimyon ug madanihon nga kaanyag?
ReplyDelete