2/12/2012

mga espada sa kahayag

ang akong hunahuna
sama sa mga panganod
nga abohon, bug-at,
baga,

kaulanon,

apan ang akong mga rason
miabot isip adlaw nga nagdala
sa daghang
hait nga mga espada sa
kahayag,

busa wala kay makita nga usa ka
lusok sa ulan
ning hawanan

sa gibutangan ko sa akong
gugma

wala ako'y gipaiyak
busa wala usa'y angayan kong iyakan
bisan kanus-a

No comments :

Post a Comment

Lami ba?