2012/03/01

buwan, kamingaw, pagpaminaw

ang sakayan
nga bulan naglutaw sa dakong balod
sa panganod ning bugnaw nga
kagabhion

walay bugsay
walay tingog walay kisaw

mahimong nahisama kini sa lukot kong
hunahuna
nga bisan kadako sa kagubot ning akong dughan
nagpabilin nga malinawon
sa iyang pagpaminaw

kay unsa bay mahimo ning atong kanunay
nga pagpabilin?

manira ang ngabil
ang hunahuna mahimong mga aninipot
maglandag sa
kangitngit ning kagabhion nga natulog
tupad sa dakong kahoy

pagkadako, pagkalapad, apan
way tawo

Panginhas dire