7/17/2012

sa punoan sa sibuyas



ang mga goryon
namatog sa mga layos nga sanga
sa mga amor seco


nanaglipay sa pagbukhad
ug panira sa ilang mga pako
nga lapoy

gipasinaw nila ang ilang mga
balahibo sa init nga adlaw

pagkahuman nanglupad kini dungan
mga morag abog sa
kadaghan

paingon sa sapa tupad sa mga
bebe nga puti nga nagpalutaw lutaw
sa ibabaw

kon imo lang unta kining nakita
karong buntaga
dili ka unta kahunahuna ug hikog
sa punoan sa
sibuyas

No comments :

Post a Comment

Lami ba?