2012/09/18

sipyat ka

"what do you want to
prove?"
nangutana si alice

ambot ba

"i have nothing
to prove"

maoy akong ingon

gusto nakong ipakita
nga wala ako
madutli
sa kapakyasan

mipahiyom ko
mitaghoy

tahor nga milakaw
pauli sa
balay

apan pag-abot didto
gitagbo ko sa pultahan
nga mibiaybiay
sa akong
barog

"sipyat ka!"

gipakapinan ug

"limpyo ka ra kaayo"

ang sikat karon sa
kapitolyo ug
munisipyo mao ang
mga bulingon

humot sila ug
halinon

"abi god nimo
lahi na karon"

maoy patapos
nga pahimangno
sa gubaong
hagdanan
paingon sa
langit

Panginhas dire