4/10/2013

sa kanunay

sa kanunay
ang mga tiguwang nga
mga babaye

sa sayong kaadlawon
naglakaw sa giyamogan

nga dalan unya
nagsigig pangadye

dala ang ilang mga
nagsigang
mga gasera

nagsigi silang tuyok
tuyok sa kiosko

silong sa mga karaang
akasya

unya kon moabot
na gani ang kahayag

magtapok sila balik
didto sa kapilyang mingaw

mangadye, mangadye
kay matapos na kuno

ang kalibotan dinhi
sa balangay nga akong

gipuy-an nga akong
gisulat kanunay....

No comments :

Post a Comment

Lami ba?