ang kalambigitan sa butones sa karsones, sa liston sa sapatos, ug sa mga kabayo balik sa ilang kwadra

nagdagan ang mga kabayo
pauli sa ilang kwadra

unya nangahilom silang
tanan
nga mora ba'g ang ilang mga
tiil
nahimong mga pako sa
ilang kiliran

sa ilang pagkadaghan
naigo sila
nga morag panyo sa akong
bulsa

sa dihang gipiyong na nila
ang ilang mga mata

unya gibutunisan na nako
ang akong
karsones

gitagkos ko na dayon
pagbalik ang liston sa
akong sapatos