2013/09/30

ang bata ang tiguwang ug ang inahan

matinud-anong
mikumpisal ang tiguwang
nga siya dili na kamao
kon unsaon pagpakabuhi

mikatawa ang bata nga
nakadungog niini samtang
nag-ihap sa iyang dyolin
ug mga lastiko

nga mora bag mitubag
ug "asus, kasayon ra niana!"

ang iyang nanay nga
nanasa ug nipa sa daplin
sa suba naglantaw nga morag
nakasabot sa kalisod sa pagtubag
sa maong pangutana
ug dayog tagbas sa punoan
sa nipa
sa tumang kakusog
aron kini
maputol ug mabuntog


Panginhas dire