9/10/2013

kon makaatik ka lang unta

usahay kon nakabantay ka
ang atong tilaok nangita ug tunok sa isda
aron usab kita mangita ug iring nga mokawras sa atong
liog nga walay libog

usahay sa kalaay kon nakaatik ka
gipangita nato ang dakong bato aron ipukpok sa atong ulo
aron lang mabati nato ang kasakit aron lang nato mabati pag-usab
nga kita diay buhi pa

usahay sa kahaw-ang misakay kita sa duyan unya atong gipakusog ang labyog
aron kita mabali sa pikas ug dayon malabay ug mahulog ug mahagba
aron nato mabati nga kita diay malilong pa
ug mabati na usab nato ang labyog sa kinabuhi

usahay mas mokusog ang atong pagbulhot sa sigarilyo ug kon makabantay ka niini
mora bag gipaspasan nato ang pagpaingon sa atong gipangita nga
kamatayon.

No comments :

Post a Comment

Lami ba?