ay, pagkaaslom.

hapit sa
sa akong bukid

dunay koy gamay
nga tamnanan

dinhi gibutang
nila ang ilang mga
sundang
sud sa puluan

ang ilang mga hanting
gitagoan nila sa ilang
bulsa

hapit sa
gamay kong luna

mag-inom tag tuba
dinhi ang mga palaigit
nakat-on
nag katawa

ang ilang mga ginagmayng
kaguol ilang
gihiklad sa daplin
sa lamesa

dayon nilag hikap sa
baraha
ug gisugdan na
sab nilag
saksak ang ilang
tagsatagsa
ka kinabuhi

kon duna kay
ihatag nga paglaum
palihog
hiposa una

dili pa sila
andam niana

usa lang ka baso
ang ilang
tagayanan

ang ilang tuba
ayayay
kon imong
matilawan
ay, pagkaaslom.