12/09/2013

pag-amuma

isulti ang imong
kahiubos samtang
mamati ko,
ako ang imong
trapo,
ako ang tigpauga
sa gabasa mo
nga hunahuna,
isulti pa ang tanan,
aron ka
mahuwasan,
malimpyo,
samtang ako
ang bag-ong
hugaw, ang basa
diha sa
kilid sa lamesa
diin ikaw
mangalisngaw
sama sa usa ka
baga sa oling,
dili ko masunog,
wa na sab ko
magdamgo nga
ako imong luwason
diha sa kalimpyo.

No comments :

Post a Comment

Lami ba?