1/03/2014

GUTOM NGA NARCISSUS

ning gamayng pinikas
kong unod
akong gisawsaw
sa imong suka nga
giahosan ug
gisilian

gikilaw ko ang
akong kaugalingon
haskang halanga
sa akong dila
ning akong kagutom
gisumsuman ko ang
akong palad

sa akong kauhaw
gisalod ko ang akong singot
gisamdan ko ang akong
kasingkasing
ug sa hinayhinay
giinom ko ang akong
aslom nga dugo.

No comments :

Post a Comment

Lami ba?