1/03/2014

kon nagtoo ka
kadtong nahibilin
magsubo hangtod
sa kahangtoran
nan
ikaw ang tawong
kanunayng
magmatag buntag

may asim pa si
misis
naa bag-ong
tablet si bunso
kuragan na
ang imong dalaga
unya
uwagan na kaayo
ang imong
bayongbayong

mag gulong ang
buhay ondo
ang pilit kaayong
budbod
mapan-os ra
gihapon
ang isdang
malitubong
madubok
ang itlog matibugok
ang himungaan
mangiti
ang sunoy
motultol gihapon
sa iyang
mga tugtugaok
ang anay
magbakya
ang sili mohalang
ang hulagway
mohupas

ug ikaw nga mibiya
wa dungga
nga mobalik.

No comments :

Post a Comment

Lami ba?