3/16/2014

ikaw man lang
seguro ang tatay nga
nakalimot sa imong
nangagi?

kadtong nahigugma ka
unya
wala pay gahom ang imong
mga kamot
kadtong gianod ka sa baha sa
gugma sud sa imong
dughan
unya nagkapakapa ka
nga bisag mogunit sa hait
nga punyal
bahalag masamdan
gunit lang gayod gihapon

kadtong nanglaba ka sa lampin
sa una mong anak nga lalaki
kadtong nabilar kas pagtimpla
sa gatas

sultihi daw siya kon unsa ang
mahigugma?
kon unsa ang mahulog unya
mobangon lang gihapon?

basaha unya ang tanang nangagi
diha sa mata sa imong una nga apo.

ako unyang lantawon ang imong
pahiyom nga maoy
makahinumdom...

No comments :

Post a Comment

Lami ba?