ang tanan naay sekretong
tinipigan
sama sa dagat nga nagtipig
usab ug
mga isda sa iyang kabatoan

sa mga kahoy sa ilang edad
sud sa ilang mga panit
sa mga bitoon diha sa tumang
kahayag diha sa adlaw
sama sa mga kagabhion nga
nagtipig sa mga tawong wa katulog
nagbalibali diha sa katre
nga nangita usab ug laing wa
katulog
silang tanan nangitag tupad
mga kauban
mga hungihong nga unta
adunay mahibalag
pati gani ang dugdog
nangita mag kadulog