2014/07/29

gihalungkat ko ang hulagway nako
sa kabatan-on
kadtong sinaw pa ang akong agtang
unya baga pa ug labong pa kaayo ang akong buhok
sa dihang akong nakit-an
gitutukan ko kini sama sa usa ka estranghero
nga karon ko pa usab mailaila
giingnan nako ang akong kaugalingon
haskang paita sa nabuhat ko kanimo
nganong gidid-an ko man ikaw
nganong gipasaligan ko man ikaw pag-ayo
unya wala ko man kini tumana
karong tutukan mo usab ako
sa usa ka gidalit nga pagpasaylo

Panginhas dire