2014/07/29

KABAHIN SA GIDUNGOG NGA MALDITO
( kabahin sa bias o prejudice)


sa gamay pa siya
gitirador ang imong manok himongaan
patay

sa nagbayong bayong na siya
unya kusog na mamayli sa pikas sitio
gikawat niya ang imong sapatos
sudlay og pomada
sa dihang naminyo na siya
misamot ang kataslakan
gibaligya ang imong baboy
gikawat ang binakid mong
bugas
sa dihang gitulis ka
unya mahibaw-ig kinsa
segurado gyod ka
matod mo nga siya lang gayod
gihapon ang nagbuhat
sa ingon
bisag dili siya
bisag nasakpan na ang nagbuhat
sa salaod
siya lang gihapon ang imong
gipasumanginlan

Panginhas dire