2014/07/31

daghang dalunggan
ang bongbong

daghang mata ang
kisame

ikaw nga nagtoo nga
ikaw rang usa

haskang sayopa

busa ayaw kaulaw
sayaw sa imong kuskos

duyog sa imong awit
ayaw pabangbang

ayaw pamati ayaw
batia ang kamingaw

wa ka ba kadungog
nga ang mga kamot sa

imong lingkoranan
durong pamakpak?

ang mga tiil sa imong
lamisa durong sadsad?

hala sayaw, hala antog
daghan silang mihangad

daghan silang motuwad
ug ikaw tralalang mibukhad

Panginhas dire