2014/07/29

kahinumdom ka man kaha
niadtong giingnan ka nga ugma matapos na
ikaw
nga iyang nakita didto sa lawak sa langit
nga ang imong kandila hapit na maupos
nga kulang na lang kini sa usa ka
tayhop sa hangin
ug dayon mapalong

kahinumdom ka man kaha sa imong
gibuhat
kahinumdom ka man kaha sa dihang miingon ka
nga kamubo ra gayod sa panahon
kaidlas sa mga pako sa kalipay
kadanlog sa mga pangandoy
apan kon mao na man gayod kaha
pwes miingon ka
nan dawaton ko
sa walay paglanganlangan
sa walay kasuko
sa walay pagmahay
kay lagi ang imong sapatos hinulman man lang
kay lagi ang imong balay gubaon na usab
kay lagi ang imong sud-an kanunay man sang ginamos ug bulad
maong, nakaingon ka, unsa bay kawilihan?
pwes, kon mahitabo man lang
dako lang gihapon ang imong kalipay.

Panginhas dire