2014/08/02

ang usa ka
panglantaw

walay katumanan
kon dili mo usab
kini
sugdan ug haploy
sa imong
mga tudlo nga
nangaloyloy

ang panit nagkinahanglan
sa sugnod sa
bisag gamay lamang
nga kainit

aron unya modilaob
kini
mahimong kalayo
sa imong dughan

maghatag ug kahayag
sa imong bugnaw kaayo
nga kangitngit

gakson mo ang imong
kaugalingong
mga pangandoy

makigsandurot ka niini
sama sa usa ka
hinigugma

piit, papiti sa mga aligato,
init kaayo,
magdilaab ang
kahigwaos ug ang
kalami

mokab-ot sa langit
ang mga tudlo
hawid sa mga panganod
lubong ang mga kuko
sa abaga sa
kawanangan

hangtod nga moabot mo
na ang
kinatumyan sa naandang
kinutuban

ang gabagang mga lawas
maugdaw
ang mga abo sa kahigwaos
magpasad
diha sa mga lapoy nga
mga tiil
sa mga lapa-lapa
sa lapyahan sa atong
tagsa-tagsa ka mga
hunasan

Panginhas dire