ang atong pagpadulong ngadto sa langit

nanagdula ug dakapanay ang
mga bata sa tugkaran
nagkalapok ang ilang mga tiil
ug basa kaayo sa singot ang ilang
likod ug agtang

pagkahuman tawgon sila sa ilang
inahan
madungog mo ang ginagmayng
kasaba kuyog usab sa maymay
nga unta dili palabian ang pagdula

hugasan sa inahan ang mga tiil
ug unya trapohan ang mga singot
og pagailisan sila sa ilang mga sapot
andam na sa pagpangadye paingon
sa pagkatulog human sa usa ka
lamian nga panihapon