12/22/2014

bisita

ning akong lawak
usa lang ang lingkoranan

ang katre nga uway
igo lang sa akong lawas

gamay lang ang balay
usa lang ang kaldero

ang dapogan usa lang
usab ang sug-ang

duha lang ka bintana
ug duha lang usab ang

pultahan nga maghatag
kanako ug duha ka kapaingnan

una ang pagsulod ug ang
ikaduha ang paggawas

namisita lang ako dinhi
og dili ko ganahan nga magdugay

No comments :

Post a Comment

Lami ba?