miutong si samson
morag misyagit og syatong
namati ang tanan
naalingogngogan

ang syagit diay sa
dihang mitag-aw kos
iyang nawong
usa ka pagtabon sa
dili niya angay unta
makita nako

namati ko, mitutok ko
sa iyang pag-utong
sa dugay, naamgohan ko
nga siya buot diay magpadayag
kon unsa siya

pamation diay pag-ayo
ang kalanog sa iyang
pagmahay
apan ang pulong nga iyang
gigamit
abi mo og unsa?
puros kalipay