ikaw karon hamtangan sa silot nga kanunay mong gipangamuyo

hinumdumi Lorenzo
nga usahay gikapoyan na ang Ginoo sa pagpamati sa atong
mga kinadenang pangadye
dinosenang nobena

gasakit usab ang iyang dughan og tinan-aw
kanimo diha sa paglakaw-luhod sa taas nga dalan
nga batoon unya itunong mo pa gayod
sa udtong-tutok og ang kainit
nagpahimong abog sa usa ka batong tipak

mao man gani
gihatag niya ang imong gipangayo
aron ikaw karon
hamtangan sa silot nga kanunay
mong gipangamuyo