sabat 3

samtang anaa ka sa sulod
sa Medallion
diha sa usa ka panaw
gibati mo 
nga ikaw morag giilogan
sa langit og
dagat

apan ikaw nga anak sa yuta
wala'y gipili 

ang imong gustong mahitabo
mao lamang ang pag-abot
o dili ba nga ikaw ibanlas na
sa lapa-lapa 

sa baybayon o dili ba kaha
sa tiilan sa dakong bato nga 
bukid

dili kaayo layo nga nakita mo
ang mga bukton sa mga kahoy
nga gustong mohalog kanimo
balik sa ilang mga kasingkasing
nga dahon