5/02/2015

busa, gibiyaan ta ka.

gisunod mo ang bata
nga walay buot
nga dili pa gani kaayo
makatindog
nga ang mga tudlo 
mikiwil mitudlo sa
buwan sa kagabhion
nga karon pa niya
nakita

gusto mo ang bata
gusto mo ang imong
kagahapon
gusto nimong balikan
kadtong dili ka pa
katindog
kadtong nagkamang
ka pa lamang
sa salog
kadtong dili ka pa
kagawas sa kuna

kay mao man ang imong
gipili
gipasagdan ta ka

ang akong gipili mao ang
karon
og ako
og ako lang gayod lamang


busa, gibiyaan ta ka.

No comments :

Post a Comment

Lami ba?