tinagoan sa usa ka hardenerong boutan

nindot ang imong hardin
siging pamuwak ang mga buwak
ang mga nanglabay
minganga sa pagdayeg

sa kagabhion tultulon
mo ang punoan sa lubing karaan
diin gibuhi mo ang usa ka 
bakukang

wa mo igsapayan ang
hinayhinay nga paglunos sa
lubing karaan
mabusog lang sa ubod ang
pinalanggang bakukang

sa kabuntagon ug sa ubang
panahon
nagpabiling minganga sa
pagdayeg
ang mga nanglabay