7/27/2015

ania ang tingog
sa ilalom sa akong
tungol

dili baya kaayo
nindot
dili pod kini alang
kanimo

ako kining tingog nga
siging
nagapanghupaw
dinhi sa walog sa luhaan

suma pa sa nobenahan
ni Nanay
kon ako kini kunong
pamation pag-ayo
sa matag adlaw sa
akong kasubo
mao kuno kini ang tingog
sa akong kalag

og kon ako pa gayod kining
tagaan sa saktong
pagtagad
sa saktong panahon
mao gayod kuno kini
ang tingog sa akong
Ginoo...

No comments :

Post a Comment

Lami ba?