7/17/2015

ikaw og ako

hawid sa rehas
sa katreng puthaw
sa kilid sa
kalipay
ang laing kamot
isanday

tindog, lingkod,
sibog, lantaw, itunong
ang kahaw-ang
sa tukod sa kamingaw,

isulod ang kalaay
sukod sa kahilom
gawas, sulod ang
katahap
pulihan sa kapintas
diha sa
kalami

tak-om ang kasaba
hubkas sa kabalaka
kitang duha
mangapa
mahingangha
sa wala ta damha

ikaw og ako
karong gabhiona
mag-ila-ila kon unsa
kita
kon asa kita kutob
sa atong
gininhawa....

No comments :

Post a Comment

Lami ba?