anaa na usab ang laing sakayan gapaabot nga imong sakyan

ingon ani ang
pagpuyo sa usa ka kinabuhi

wala nay balikay
kon anaa pa man ugaling ang
mga bagakay
wala na ang pagbakay

kon anaa ang sayop nahulog
sa dalan
pasagdan lang kini sama sa
mga patay
nga sa ilang pagtudlo kanato
mas makamao pang
molubong sa ilang kaugalingon
diha sa usa ka
kamatayong malinawon

biyaan ang tanan
ang panaw kanunay nga andam

pagdali sa paglakat
kay sa unahang labat
anaa na usab ang
laing sakayan
gapaabot nga imong
sakyan