ang duha ka iro
sa among silingan
duha lang ang
kapalaran: kon dili
man huktan
naa sulod sa ilang
prisohan

"doghouse" ang
tawag nila ana

kadtong lain
"leash" way
kalainan sa
hukot

sa laing bahin
ang among lima ka
iro
puros binuhian
mangihi malibang
sa among nataran

ang usa mokuyog
sa simbahan
ang upat mas
labawng laagan

plaza ang ilang
kinaham
sahay
sa merkado ang
tambayan

sayod kong
nakamenos ang
among silingan
sa among mga
iro nga hugawan

sa laing bahin
nalooy kos ilang
iro nga sa matag
gabii anaa
rag awooooo

duha lang ang
anaa sa among
mga irong kuragan:

ang kasipat nga
kuyog sa
ilang kagawasan

hinoon sa among
kabahin
lakip sa among
silingan

ingnon tang
ingon ana ang kinabuhi
iyaiyang diskarte sa
mga buhi

sa among kabahin
bahalag hugawan
basta lang gayod
malipayon og
gawasnon

kana kon iro ang
hisgotan.