1/17/2016

kudlit

ang buayahon
nagpakudlit sa iyang
palad
ginamit ang dagom

aron unta lagi
mausob ang iyang
kapalaran

apan ang kapalaran
naa na nga
daan
dalan nga gasubay
sa dalan
nga ingon ang karaan
dili gyod mausob
hangtod
sa kahangtoran

wala gitagna ang
kamatayon
miabot kini sa
sakto nga
panahon

makamao ang
kapalaran nga
mohulip sa iyang
biniyaan

sa pikas nga balay
anaay miutnga dayon
mipuli
ang bag-ong uha

anaa na usab ang
kapalaran
naghatag og laing
dalan
nga dalan sa dalan
nga dili gayod
matag-an
bisan kinsa man.

No comments :

Post a Comment

Lami ba?