1/28/2016

langit nga itom

walay kahumanan
ang mga balak

antosan mo ang
pagbasa niini

hangyoon ko ikaw
nga aron dili ikaw madamay

sa akong kaparotan
unta undangan mo na ang pagbasa

ayaw ako hangyoa sa
pag-undang og pagsulat kay

ang akong mga balak
walay kataposan

walay kahumanan sama
sa pagtuyok sa kalibotan

sa pagpunay og balik balik
sa mga adlaw og bulan

walay kataposan sama
sa pagpunay og pasiplat

sa mga bitoon diha sa
akong langit nga itom

No comments :

Post a Comment

Lami ba?