1/18/2016

mao kana ang imong gibuhat kanamo

gitagaan mo 
ang bata og dakong
puto
dayon imong giingnan
para lantaw lang
dili para
kaon

gipakapinan mo ug
monyeka nga taas og
buhok unya pula kaayo
og aping
og ngabil

giingnan nimo nga kini
imo lang hiposon
dili dulaan kay basin
maguba

adunay dakong lawak
nga nindot og katre og
humok og humot kaayog
alugnan
imong gipasirad-an kay
para ra kini sa 
mga bisita nga moabot
karong sunod bulan

"kamo sa gawas matulog"

didto sa gahi nga salog
diha bulingon nga alugnan
dayon ang ponda gisi

No comments :

Post a Comment

Lami ba?