bata

nayayay ang batang
bulingiton
mipauli sa ilang balay
nga nag-iyak
nangitag mama nga
molaban

nayayay ang batang
giaway
nga gibunalan sa kuhit
sa shatong
mipauli sa ilang balay
nangitang papa nga
molaban
ang mokuyog kaniya
balik sa
shatongan aron
bunalan ang 
laing batang limbongan

apan pasensya na
pailob lang usa
wala si mama wala sab
si papa

busa pag-iyak lang usa
diha
hangtod nga mahurot
na unya
ang imong mga luha