si rudy

gipangita ni rudy ang dagom
(nga atua ra diay
sa iyang bulsa)

limtanon na siya
hangtod nga isya natumba

matag gabii nagsalimuang siya
nga si Kristo atua sa gawas nagtagad niya

nakit-an ni rudy ang mata sa dagom
(dako ra kaayo si rudy
ug sumala sa tanghaga mas gamay pa
ang kabaw)

nga yanong misulod sa mata sa dagom
migula sa pikas utlanan

misabsab sa kalunhaw
kay wala kunoy hugaw